لما
تحب دكتورة ،، طبيبة ،، مهمتها إنقاذ حياة الناس بالعلم اللي ربي منحها
القدرة أنها تتعلمه ،، قررت أنها تعطي وقتها وعقلها وجهدها لمساعدة الناس
،، إنقاذ حياتهم ،، تكون موجودة لما يكونوا بين الحياة والموت ومحتاجين
لشخص يكون المنقذ لهم من الموت ،، فليش حضرتك تعترض و تنفخ راسها و تدير في
جو زايد بالذات لما تقرروا تكونوا عيلة و يكون فيه أطفال ،، أعتقد أن
الزواج مبني على هلبة عهود بينكم فترة الحب و الغرام و الخطوبة الخ الخ الخ الخ ،،
مش المفروض تقدّر وظيفة زوجتك؟ مش المفروض تعرف أنه ممكن حتى انت يوما ما (لا سمح الله) تصيرلك مصيبة و يجروا بيك من مكان لمكان و يكون المنقذ اللي ربي يبعتهولك هو دكتورة زوجها متفهم لشغلها منفخلهاش راسها لأنها تخدم لليل تحسبا أنه تجي حالة طارئة زيما صاير معك وتلقى من يستقبل حالتك و ينقذ حياتك؟
لما تفكر ترتبط بدكتورة ،، فكّر كويس هلبة ،، كويس هلبة ،،
كلامي مش محدد لحد ،، بس زمان عندي صديق تزوج طبيبة كيف متخرجة وكانت في فترة الامتياز وكان معترض عن تواجدها في المستشفى في الليل و مبيتها غادي، فسألني شن رأيي بحكم أن أختي دكتورة، قلتله لو صارت معك حالة طارئة نص الليل ولقيت دكتورة تسعفك ،، شن حيكون شعورك وقتها؟
الحمد لله ربي رزقهم بطفلة حلوة وحياتهم سعيدة
لو كل واحد قدّر شغل الثاني واحترمه من غير تفلسيف زايد و قدّر تعب الطرف الآخر، الحياة حتكون حلوة هلبة بين الشركاء والأزواج ،،
نتفلسف وأنا مش مرتبطة، بس لما نرتبط مش حننسى الموشحات اللي نقوللكم فيها، لأني نقول فيها باش نعلّم نفسي ونقوللكم اللي تعلمته ،،
وكلامي حول الدكاترة مش تلقيح على حد ،، بس بحكم أني مكسدة على Grey's Anatomy وهو من أعراض القعدة في البيت.
مش المفروض تقدّر وظيفة زوجتك؟ مش المفروض تعرف أنه ممكن حتى انت يوما ما (لا سمح الله) تصيرلك مصيبة و يجروا بيك من مكان لمكان و يكون المنقذ اللي ربي يبعتهولك هو دكتورة زوجها متفهم لشغلها منفخلهاش راسها لأنها تخدم لليل تحسبا أنه تجي حالة طارئة زيما صاير معك وتلقى من يستقبل حالتك و ينقذ حياتك؟
لما تفكر ترتبط بدكتورة ،، فكّر كويس هلبة ،، كويس هلبة ،،
كلامي مش محدد لحد ،، بس زمان عندي صديق تزوج طبيبة كيف متخرجة وكانت في فترة الامتياز وكان معترض عن تواجدها في المستشفى في الليل و مبيتها غادي، فسألني شن رأيي بحكم أن أختي دكتورة، قلتله لو صارت معك حالة طارئة نص الليل ولقيت دكتورة تسعفك ،، شن حيكون شعورك وقتها؟
الحمد لله ربي رزقهم بطفلة حلوة وحياتهم سعيدة
لو كل واحد قدّر شغل الثاني واحترمه من غير تفلسيف زايد و قدّر تعب الطرف الآخر، الحياة حتكون حلوة هلبة بين الشركاء والأزواج ،،
نتفلسف وأنا مش مرتبطة، بس لما نرتبط مش حننسى الموشحات اللي نقوللكم فيها، لأني نقول فيها باش نعلّم نفسي ونقوللكم اللي تعلمته ،،
وكلامي حول الدكاترة مش تلقيح على حد ،، بس بحكم أني مكسدة على Grey's Anatomy وهو من أعراض القعدة في البيت.
